提起杜拜棕櫚島....好多人都只會諗起呢個人工島有幾大幾誇張...但其實有間酒店已經剛好成
立一週年....呢間酒店叫Atlantis the Palm 阿特蘭提斯酒店....講真...呢間酒店...真係人氣
直逼杜拜O既一哥酒店 BURJ ARAB (帆船酒店)...點解咁講.....因為我覺得呢間酒店雖然高
級...但都可以做得好得睇....無BURJ ARAB 咁大個鼻...好易比遊客進入參觀...仲有一個
POINT...就係一間酒店雖然開咗一年...但居然今日數數下...居然去咗佢地個其中一間餐廳(叫
SAFFRON) 食BUFFET 成最少5次去...當然....要買個關子先點解會去咗成5 次...因為..今次
要先簡紹下呢間可以直逼BURJ ARAB (帆船酒店) O既Atlantis the Palm 阿特蘭提斯酒店
型O既地標....佢位於棕櫚島O既靠海方向O既最前方....真係入去住..可以睇到無敵大海景...
你都咪話唔吸引....
其實呢間酒店O既賣點...就係同DUBAI MALL 一樣...有一個大型O既水族館...除咗水族館...
令外有個地方可以提供比遊客近距離接觸海豚....可以餵野比食海豚...近距離睇佢地表演...當
然....係要收費...而收費O既價錢都相當"拿"利....
其實除咗水族館之外...佢地仲有個超大O既水上樂園.....仲比WILD WADI 要大....玩O既野
仲多個佢....已經有個滑梯由差唔多成30米高...61米長...咁滑落去呢個買點...真係吸引到唔
少游客又係呢間酒店住同玩呢個水上樂園...再加上其他酒店設施..好似無敵海灘...真係可以係
到輕輕鬆鬆咁過一日都唔難...
到最後講佢地O既裝修.....好老實講...Atlantis the Palm 雖然無BURJ ARAB (帆船酒店)...
咁金碧輝煌...金雕玉切....但係內裏O既裝修你會覺得比BURJ ARAB (帆船酒店)...更有主
題...用咗好多海洋生物做燈式....比你覺得好似入咗海龍宮一樣....
所以..我覺得Atlantis the Palm 阿特蘭提斯酒店...真係無論係配套...酒店設備,主題同之後
再會講O既BUFFET 都真係比起BURJ ARAB (帆船酒店)更勝一籌...無計...人地BURJ ARAB
(帆船酒店)起得早....再加上呢間酒店係由 The Apprentice O既攪手DONALD TRUMP 旗
下O既公司所管理...真係....我覺得呢間酒店O既人氣..應該好快會追到BURJ ARAB (帆船酒
店)
HAHA....講呢間酒店就講到呢到為止先....下次會介紹佢地個超級好食O既BUFFET...講下點
解我會一年之內去咗成5次...@O@
