三年零八個月...一般人只會想起一幕幕日本侵華的悲慘事件.....但對於今日O既我來講....三
軍侵占的華人一樣....百般資味在心頭O既人生經驗......
總括來講....我係出外工作O既三年零八個月O既時段分成以下幾個階段:
1. 盼望期
呢個其實係我人生中O既第一次要離鄉背井...以前最多都只係讀大學O既時候住宿舍...但都會
每隔一星期...返屋企同家人食飯.... 但今次真係唔同...一係唔去...一去就要搭成差唔多8
小時飛機...仲要係當時...連工作環境係點..生活環境係點...人生安全又會係點...真係乜都唔
係好知...乜都唔係十分清楚O既環境下...去咗現在的公司...簽咗賣身楔...而係當時...真係好
奇心勝於一切.....雖則好多好友都會同我講:
"份工係咪熟人介紹啊....做乜有近O既澳門唔去...去到咁遠....你唔怕被人賣豬仔啊..."
"去到咁遠...到時住唔慣...食唔慣....生活得唔慣...天氣又咁熱...工作環境咁差...到時要遲
職...會好麻煩....你唔怕啊.."
但我呢一刻....真係什麼都不怕....抱著男兒口大食四方...食得咸魚要抵得渴O既心態...真係乜
都無問題....但最緊要O既一樣野就係: 屋企人一定要身体健康.....
2. 新婚期
還記得初來報到...真係有好多好多新鮮感...一個新O既工作環境...同不同國籍O既人一起工
作一起生活....一個好大O既挑戰...可以居住係一個5星級O既宿舍.....意想不到.......同每個
同事O既關係...唔單只係返工時一起合作...還有放工時一係娛樂...風花說月....真係估唔到....
已經唔再係一般同事O既關係....但...呢種感覺...好特別....
仲有起初工作量不多...每星期O既休息日....都會出外遊覽....七星級酒店...沙漠中O既滑雪
場...杜拜舊城區....等等..好多香港團必到O既地方....都觀光一番....想起又可以做野之餘..又
可以去觀光...真係有種又食又攞O既感覺...好抵.....
3. 挫敗感及思鄉病
猛虎不及地頭虫...雖則我又唔算係森林中O既猛虎...但呢句話真係無錯...終於去到實戰O既地
方...但真係埋牙做野....好多野都預唔到.....例如: 一D 好普通O既建築物料...訂料O既時間比
預期還要長...還有當地O既地質同香港有唔同....引致施工方法要重新評估.....但當中.....自己
真係重未試過做完又唔得...唔得又要即刻諗方法改...改完又錯.....攪到最後彈盡糧絕...返到地
盤宿舍無米開飯...幾條友個銀包連買米O既錢都無O既時候....到呢D 挫敗感同失落....真係百
般資味在心頭........而最難忘都莫過於全地盤同事都上下一心...居然可以用3日當地O既公眾
假期...當中仲開咗一日通夜...排除萬難...向其他國籍O既員工威逼利誘之下.....終於將原本要
一星期O既野攪點咗.....幫公司打勝咗一場漂亮O既仗.....呢D 經歷...真係令人回味...
由於工作O既關係....自己本身O既休假...都曾經試過不知要等到何年何日.....思鄉病....一個
自己聽就聽得多O既病....估唔到...會係自己身上發生....試過有次發過一個夢...夢見自己身在
香港..那個夢的實在感....對比起我如夢初醒O既時候O既空虛感....產生咗一個好強烈O既感
覺..睡醒後自己不其然講..."點解我會係到...."
還記得當時係香港有首好HIT O既金曲..."愛得太遲".....呢首歌..真係來得及時..係我人生最
難忘O既時候出現....我自己聽起這首歌....真係好心酸...聽到好多野我都係將會愛得太遲.....
但...我又可以做到什麼呢......
4. 穩定期
現在可以話係已經步入呢一個階段....近幾次放假, 已經再沒有種起初剛抵達香港機場時好想
大叫"我回來啦"...又或者帶著好悲傷O既心情離開香港...一切係唔知叫做悉認咗還是麻目
咗....但每次返港..我到一定會好好享受在港的每分每秒....回到工作崗位...已經適應咗不同國
籍人的特點...更加能体會到香港地及香港人還有好多優勝之處....但呢一刻....問到會否到阿聯
酋落地生根...我會好肯定答..不會....只於再會留在當地多久....我只會答...我還後生...阿聯酋
還有好多神秘O既地方等我去開發....但最重要都係....屋企人...身體健康
